Pamanang Istruktura sa Lungsod ng Maynila
TINGNAN: Sa patuloy na pagdiriwang ng Pambansang Buwan ng Pamana 2021, inilalathala ng NCCA at ng Lungsod ng Maynila ang datos
ukol sa mga pamanang istruktura batay sa lokal na imbentaryong pangkultura na ipinasa ng [FB Tag: Department of Tourism, Culture and Arts of Manila] para sa Philippine Registry of Cultural Property (PRECUP), alinsunod sa Seksyon 14(b) ng Batas Republika Blg. 10066.
Naglalayon ang mandatong ito na kilalanin at kalauna’y proteksyunan ang mga nananatiling pamanang istruktura, maging ang intangible cultural properties, sa mga lokalidad gaya ng Lungsod ng Maynila.
Nangunguna ang distrito ng Santa Ana sa may pinakamaraming mga pamanang istruktura sa kabisera ng bansa, na sinundan ng mga distrito ng San Nicolas, Ermita, at Binondo. Ang iba pang mga distrito na hindi pa nabanggit sa datos na ito ay patuloy na kinakalap at isasama sa taunang updating ng lokal na imbentaryong pangkultura ng Maynila.
Ang Lungsod ng Maynila rin ay ang pinakaunang lokal na pamahalaan (LGU) sa bansa na matagumpay na gumamit ng electronic PRECUP Registration Forms para sa mas masinop na pagkalap ng datos ng mga pamanang lokal na isusumite para sa PRECUP.
Makikita ang kabuuang impormasyon ng lokal na imbentaryong pangkultura ng Maynila kabilang ang iba pang mga LGU sa listahang ito: [https://tinyurl.com/PRECUPLocal]
Ang mga LGU na nakapagpasa ng kanilang kumpleto at katanggap-tanggap na imbentaryong pangkultura batay sa mga kinakailangang dokumento na pinaiiral ng NCCA ay makatatanggap ng assessment report at Certificate of Compliance.
Para sa karagdagang impormasyon tungkol sa PRECUP, bisitahin ang [https://ncca.gov.ph/philippine-registry-cultural.../]
